Txas, txaaass urteko bigarren iluntze feminista hemen da.

Urtarrilan aurreratu bezala, hilabete bakoitza gai bati eskainiko diogu. Otsailan, gorputzen inguruan arituko gara.

Horretarako, honatx otsailaren 8rako dakargun egitaraua.

20:00etan, *Mapeo Corporal* eko kideen eskutik, *"Reflexión participativa"*, gorputzen inguruko hausnarketa kolektibo ez-mixtoarekin hasiko dugu iluntzea. Jarraian, euren *fanzinearen I.edizioaren aurkezpena* izango dugu.
Ostean, *Irantzu Varela* edukiko dugu gurekin, *"Mi cuerpo es un campo de batalla"* esku-hartzearekin. Gaua bukatzeko, musika, nahi duenak gorputza astintzen has dezan asteburua!

Betiere, ahaztu gabe, emakume* (emakume, bollo, trans) artisten oholtza zein espazio aske eta seguru, eta bestelako subjektu feministon topagune izan nahi duela hilabetero ospatu dugun ekimen honek.​​

Aurten (ere) ​bazatoz? Zatoz, zatoz zu ere akelarre eder hau hauspotzera!!​​